【V8 Hybrid入替V12】Toyota 第三代Century現身東京車展

1997年發表嘅豐田（Toyota）第二代Century，自2016年底停產後，陸續有消息傳出「第三代就快登場」，MenClub亦早喺2015年初，已報道第三代將會以V8 + Hybrid入替V12自然吸氣引擎。第三代Century嘅外形，正式「搣甩」第二代偏向柔性及古雅嘅味道，尤其是車頭、鬼面罩同靠近後座嘅車頂線條。不過，Century嘅招牌尾燈組與特闊間距嘅車尾字章嘅經典配搭，順利過渡至第三代。廠方發放圖片中嘅Century，後排只有兩個座位，椅背可供獨立調校斜度，前座乘客位椅背附有活動式腳墊，畀「老闆位」乘位舒展雙腿。雖然新Century繼續採用日式高級絲絨座椅，又有靚靚木飾，但就冇晒第二代Century嗰浸源自第一代「老餅得嚟精緻舒適」嘅味道。 聽聞已有唔少日本旗艦級房車迷，自行進口咗啲日本中古前期第二代Century「等出牌」，等睇靚車啦。1967年11月誔生嘅Century車系，係紀念日本明治維新100周年（1868年）及豐田創辦人豐田佐吉誕辰100年，因以取名Century（世紀）。多年來，Century深得日本政府部門、大型機關及企業採用。第一代Century生產期長達30年，中間經歷多次演進、改良，例如75年廢除棍波版；82年轉用4公升頂置活瓣（OHV）V8引擎，取代已往3.4公升V8機器，最力馬力升至190匹/4800rpm，峰值扭力33kgm/3600rpm；87年，自動波箱由3速變成4速，90年代又增設長陣版及加裝安全氣袋。第一代Century中期型，1982年豐田曾經喺Century安裝燃氣渦輪引擎，圖為出展1975年東京車展嘅概念車第二代Century前期型，1997年第二代Century後期型，2013年97年4月，全面大轉款，配日本首台V12乘用車引擎，5公升，最大馬力280匹/5200rpm（有說最大馬力其實達340匹），峰值扭力49kgm/4000rpm，4速自動波（有「軚波」或地台式波檔閘）當年10．15耗油數字指，每公升汽油可行7.2km，油缸95公升，拍住林寶堅尼Diablo。05年升級至6速，後座影視裝置由DVD播放器取代VHS帶播放器（呵呵，咁啲「珍藏」點算？）。07年之後嘅改良集中提升車廂舒適性、更新視聽系統，以及因應新法例而增減安全裝置。


[圖擷取自網路，如有疑問請私訊]