【條數好襟計】神戶製鋼造假 幾乎人人中招

日本神戶製鋼涉及偽造品質證明一事，愈搞愈大鑊，官方說法指，「唔符合」標準嘅鋁、銅製品生產日期由2016年9月1日至2017年8月31日，但日前日本有傳聞指，神戶造假歷史已有十年以上。係真係假，有侍當局調查，不過，神戶製鋼咁老牌嘅公司都「搞呢啲」，「Made in Japan」金漆招牌今次點算好。綜合日本及台灣兩地傳媒報道，今次涉及嘅苦主，包括豐田、Subaru及萬事得，其他日本車廠有冇中招呢？仲了解緊。不過，就算你唔揸車，屋企又冇養車，亦唔等於「呢啲嘢，唔關我事嘅」。因為連JR東海新幹線、美國波音等超過200間企業都瀨晒嘢，呢次真係人人有份，永不落空嘞。講返車，今次涉及造假嘅鋁，應用範圍包括懸掛彈簧嘅鋁合金、汽車冷卻水箱內嘅鋁管、車門內保護桿所採用嘅高強度鋁合金、頭尾泵把內嘅高強度鋁材、鍛造金屬部件、銅板及銅條。吖！你估邊個爆呢單嘢出嚟吖嗱！


[圖擷取自網路，如有疑問請私訊]