同對方曖昧緊的 10大特徵，入來睇下佢係咪同你曖昧緊?

有說睇一個人的Facebook可以了解其生活或者性格，而朋友B近幾個月的生活大概只有D君一人，一齊睇戲、食飯、行街、唱K，陪她東奔西跑。外人以為她正陷入熱戀中；作為她的密友，雖知道發生的一切，但依然心生好奇。
前晚食飯期間我忍唔住問︰「你真係覺得個男仔對你無野？」
「朋友唔係男就係女架啦！我地只係比較Close啫。」
「其實點解你地唔索性係埋一齊？」
「點解我地要係埋一齊？」
或者朋友B已經突破盲腸，KO我個問題，KO埋我啲FF空間。電視劇中的曖昧男女最後都總會大團圓結局，可是現實世界不只這種非黑即白的關係。更多是像朋友B和D君這種在灰色地帶溝通的半杯水狀態，是半空還是半滿，只有當時人才懂。換句話說，你們只是走在一起，並沒有真正在一起。


這種關係源於兩個人有一定的感情基礎，而這基礎是建立於相同的嗜好，或是同樣的學習 / 工作環境，並有以下10大特徵︰

1/ 攤在同一床上，談天說地
2/ 三更半夜曾經找對方哭訴
3/ 有些笑話、暗語只有你們才懂
4/ 雙方家長都知道有對方存在
5/ 曾經拖手逛街、攬抱、借膊頭或被借膊頭

6/ 不時鬥嘴，但心底裡好有默契
7/ 重要時刻會第一個想起對方
8/ 會分享只有對方知道的秘密 / 自己生活上的小細節
9/ 不斷留意對方的最新動態
10/ 看見對方跟異性出街或經常聯絡，心會不舒服
如果中曬以上10點，基本上與男女朋友無異。別人看你們，都會討論說「點解你地唔係埋一齊？」。


大家繼續安守這位置，可能是未Ready好；或者是對方已有另一半；更大機會是雙方都怕行前多一步，便無從回頭。大家深知友情甚至瞹昧關係可以天長地久，但愛情卻不一定。
更重要的是，由於大家都知道對方底線，有「不會成為男女朋友」的前設，所以儘管平日多親密，有些日子如情人節、聖誕節、生日都會選擇「避一避」。
其實，有些事，要發生一早發生了。


来源：www.ctgoodjobs.hk


[圖擷取自網路，如有疑問請私訊]