竟然上演一幕「地下串雞翼」，片刻上載至各個網上群組後，令網民大呼噁心，亦有人留言表示曾在該店有相似遭遇。
由片段可見，員工將一隻隻雞翼鋪在地面，以竹籤將雞翼串起，過程極不衛生。鍾先生描述在2月1凌晨約2點來到食店買了一串雞軟骨，
其後看到店內員工正從地板將串好的雞翼搬到煮食爐上、正在燒烤的雞軟骨旁，他即時向老闆勸止，上前一看才發現「地下拮雞翼」一幕，便即時拍下影片。
老闆當時只是退錢打發他離開，他即質疑「嘩咁樣食死人喎」，惟老闆卻指「無事嘅！」
該食店平日排隊人流不少，鍾先生指自己已幫襯多年，但這次事件令他感到作嘔，亦想起數日前曾進食該店的雞翼、雞軟骨等食品，其後確診患上腸胃炎，但當時他以為是其他原因引起。
同類事件令人聯想2015年9月，「譚仔三哥雲南米線」屯門時代廣場分店被揭有員工在渠蓋上切菜，「譚仔三哥」發言人其後承認事件，確認照片於9月10日晚上拍攝，稱該員工本來負責煮米線，惟因繁忙時間人手不足，才改為負責切菜，因此不知道需於檯面處理食材的規定。
【網民點講】
Ricky Chan：好似係失傳左嘅地磚調味大法
Yuki Yuki：食過一次肚痛不再吃了
Chan Pak Cheong：不如你錢照比，不過請佢食，當麵食
Kiwi Leung：呢間我見過串牛丸跌左落地，d啊姐執返就放返上去照賣
Kit Chung：我見過油麻地某燒味檔又係咁，個師傅斬斬下成條燒肉飛響我面前地下，就咁執返嚟繼續斬，自此永無幫襯。
你話食環處果D城管平日巡街做D乜，專拉老弱傷殘小販，看到身上劃有公仔的小販，馬上變成紙板人，企在遠處當睇唔到，呢D關乎衛生的事，
佢哋應該見到，只是欺善怕惡，加上唔做唔錯及做36，唔做又是36(36是指無積極性工作，原出處是天朝未開放時，
個個人的工資是36元一個月，做唔做嘢都是36元)，如果唔係蘋果報導及所謂轉介，即係施壓，你估佢哋會去執法嗎？
