我識得一個朋友，年約三十，佢自從幾年前同女朋友分手後就再無聽過佢拍拖，近日見返佢，就問佢點解唔搵番個女朋友，點知佢答：「 屌，要搵都唔搵港女啦。 」
再問佢何出此言？ 佢話港女相比起大陸台灣日本韓國既女仔，樣貌身材溫柔性格與及做家務能力真係全部輸曬。見佢講到斬釘截鐵咬牙切齒咁激動，我就話：「無咁誇張下化？」
「無誇張，你識條春咩。」
我心諗：我識條春？阿哥聽講呢半生人同我有過關係既女人都唔少，你一生人就只拍過一次兩年拖咁大把，你憑咩咁講呢？於是我就同佢傾起上黎……
「 大陸女仔就唔洗講啦，未娶果時就千依百順，但一落到黎香港就自然會變臉，而且心計極重，隨時成綠帽由頭笠到落你隻腳趾你都未知，加上你都唔想生仔蝗仔架，岩唔岩先？」
「呢層我明，但其他地方既女仔呢？身材贏曬班港女喎」
「講身材，其實每個地方既女仔都有長處，港女平均黎計對腳靚過佢地。」
「你當韓妹死架？」
「屌，你咪睇得少女時代多就當正個個南泡妹都有長腿先得架，成熟啲啦。」
「咁韓妹樣靚你無得唔認同啦！」
「你鍾意人整容既話，我無得好講喎」
「咁架妹溫柔港女做唔做到先？」
「港女率真既性格架妹做唔做到先？」
「架妹波大喎」
「但腳粗輸曬囉」
「架妹持家有道，餐餐都會自己煮俾老公食」
「人地唔洗做就當然得啦，港女婚後都仲出黎返工搵錢養家架，咁唔算為個家著想？」
「咁台妹呢？有樣有身材嬌嗲無得輸喇掛？」
「台妹平均身高矮細又點叫好身材呀？再講你忍唔忍受到自己女朋友或老婆講親野都高八度但又陰聲細氣，唔係一時時喎，係一世喎。嬌嗲嬌嗲，我驚你聽得耐忍唔住一手車巴埋去就真」
「屌，你講乜都駁嘴駁舌，咁你話港女有咩好先？」
「講曬啦，港女識佢追佢嗰時無錯係臭寸啲，拍拖又諸多要求，但好多婚後都會變，佢地有學歷，可以同你一齊教仔女讀書，婚後仲肯返工一齊搵錢養家，煮飯家務呢啲野，大家返工咪大家做囉，樣貌身材既野，你望望自己咩料先啦，你有樣有才華有錢既話，大把女人排住隊等你揀啦，毒撚就無謂癡心妄想有件完美既女人主動向你投懷送抱啦。明嗎？」
「咁港女即係貪錢貪靚仔啦」
「全世界都係咁架啦，你夠想搵個有錢有樣有身材好性格既女人啦。」
「挑，你都打橫黎講既，我睇唔到你有一樣有說服力既說話囉」
「認真講句，大家都係香港人，港女生活習慣同價值觀都係同你相近，而且有其同語言，可以同你所有親戚與及父母溝通到，呢一點其他國家既女仔一拍埋去已經輸曬啦，明未？」
「挑，你講到咁有道理，有本事就上高登開個post講，睇下有幾多人插爆你？」
「屌，現實既野，剩係識得網上聽人講就當自己親身接觸既毒撚，又點會明喎，網上拗贏後轉個頭就download套av打飛機，一路打飛機，口中就一喃喃自語講： 架妹在我手，一世永無憂…… 其實呢啲人根本就唔會明白乜野叫香港女性既優點。」
拗到尾，見個朋友面紅耳熱，我知道再拗落去只會不歡而散，所以我選擇收聲當佢贏。
但其實你唔接觸多啲香港女仔，又點知箇中既優點呢？毒撚既諗法，真係好難明白。
