撰文：Be | 資料來源：連登、微博
Cap嚟見我
強國網軍原定攻擊連登FB 遭起底後秒速投降「帝吧」係一支來自中國嘅論壇網軍，號稱「帝吧出征，寸草不生」，原定喺7月23日夜晚8點出征，喺多個港人經常流連嘅FB專頁同埋連登發動「洗版式攻擊」，佢哋事前已經試水溫，喺FB周圍留下emoji、貼圖等「愛國」訊息，不過就引起精明嘅香港網民神探上身，迅速將呢班水軍起底，好多重要嘅個人資料，例如真實姓名、身份證號碼、屋企地址、手機號碼、QQ、財付通、支付寶、提款卡同埋戶口餘額都俾人任睇唔嬲！
「帝吧」網軍對香港網民宣戰：「聲援香港警察，維護法制社會，反對暴力亂港，擁護一國兩制。」
原定7月23日夜晚8點出征。
有16個「千人群」，巧驚驚呀！
所謂嘅「洗版式攻擊」就係狂貼圖洗版。
網軍去民陣FB版，香港網民以「8964」還擊，搞到佢哋人腦「hand機」！強國網絡實名制 個人隱私保護力極低香港網民以迅雷不及掩耳之勢將「帝吧」網軍徹底起底，「帝吧」軍頭旋即扯白旗投降﹐宣佈以「不破壞香港人民群眾正常生活秩序」為名收兵，可謂未出師，身已死！呢次事件亦意外令網民發現，中國嘅個人隱私保護度極底，原因就係中國實行網路實名制，只要搵到其中一項個人資料，就可以將對方嘅隱私連根拔起㗎喇！
「帝吧」宣佈收兵。
事後「帝吧」仲要被割蓆！
有網軍連戰事已結束都唔知道。
