【又玩Fiat 500】車廂香檳杯架 Romeo Ferraris激改白襯金

成件事好浮誇，但又有好格調，同時又好矛盾。點解矛盾？首先車內後排裝有防滾架，而且還有兩個賽車頭盔，但同時中控台就有兩隻香檳杯連專用杯架，開車前咪飲，賽車後慶祝？這部由意大利Romeo Ferraris改裝的Cinquone Qatar，當真充滿米蘭fashion味道。Romeo Ferraris改裝成的這部Cinquone Qatar，Widebody套件已經令可愛小車變成可愛小賽車，不過內櫳更加強，白襯紅皮革王加上金色飾邊，去到貴族級數，而後座則被拆走，裝上防滾架及放了兩頂頭盔。性能上，1.4公升turbo引擎現在能有248hp馬力及300Nm扭力，由靜止加速至100km/h需時5.5秒，極速240km/h，而且最重要是短小細部夠靈活，應該很好玩。