冷凍爺爺真有其人！　《逆緣》陳家樂原來扮佢？

大台劇集《逆緣》終於完場！結局實在有點行貨，劇中嘅黎耀祥同姜大衛，明明係貪錢又賤格嘅小人，奸足咁多集，編劇唔知係咪為咗迎合一貫大台觀眾嘅喜好，臨到結局突然「應當悔改」，齊齊做返好人，呢個玩法保證唔會俾人投訴，不過真係好TVB囉！咁點解呢套劇仲會成為熱話，全因為有個「好唔TVB」嘅陳家樂囉！

Cap嚟見我
《逆緣》劇情方面就真係一貫大台劇，完全係估到晒！唯一眼前一亮嘅就係選角，揀中「非親生仔」陳家樂，先可以令到套劇「冇咁TVB」，佢可謂演活咗冷凍爺爺呢個角色，老一輩都讚佢好有「張瑛」嘅感覺！張瑛是誰？就係粵語長片年代嘅當紅小生，官仔骨骨，當年迷倒萬千少女㗎！觀乎大台一眾偽ABC同MK系男藝員當中，都幾難搵到一個有呢種氣質，唔怪得被網民視為大台中嘅清泉啦！

雖然陳家樂睇得又演得，但「好唔TVB」嘅佢，捱足十年，始終都要靠TVB劇集先成功入屋爆紅，難怪網民都話《逆緣》嘅最大功德就係捧紅陳家樂啦！

呢個係張瑛

呢個係陳家樂



傻傻分不清！
Cap by：Facebook、TVB