太妍終極私密自拍照流出　粉絲：咩幻想都冇晒喇！

少女時代雖然貴為韓國女子天團，不過各成員都好親民，經常喺Instagram粉絲們分享日常生活嘅趣事同埋自拍靚相，好似太妍咁，佢就試過選擇困難症發作，唔知食乜好，於是喺IG Story整咗個投票，叫粉絲幫佢揀炸醬定咖喱好，作風又貼地又可愛！可能佢喺IG同粉絲玩得太開心喇，連偶像包袱唔覺意放低咗……唉……一時少咗戒心咁就出事喇！佢最近上傳咗一張自拍照片去IG story，粉絲即時哄動！究竟係咩事咁大鑊？

Cap嚟見我

呢張相就勁，拍攝角度由下往上，好似低炒咁，太妍只露出半塊面，對眼半開半合，好似未ready影相咁，應該都係佢唔小心自拍咗，又意外上傳咗上IG Story！更大鑊嘅係……太妍素顏呀！女人大忌！對女明星嚟講更大鑊！雖然太妍都醒水即刻刪除張相，可惜俾網民「圖已Cap」，相片流出後，粉絲們都話：「咩幻想都冇晒喇！」
不過網民同粉絲都好錫太妍，都只係笑下佢呢個冒失嘅舉好可愛，仲有FF佢發現私密照流出時嘅驚驚樣啫！

唔好笑佢啦，睇返佢平時啲靚靚相咪算囉！




除咗自拍，太妍都好鍾意分享生活鎖事，好似飲飲食食咁

Cap by：太妍Instagram