《宮心計2深宮計》播到第八集，入面嘅角色有幾咁勾心鬥角，相同大家都睇到，二缐角色都唔輸蝕，一樣鬥得難分難解！好似飾演四司房嘅羅霖、張慧儀、康華同張文慈入面，羅霖同張慧儀就成日鬥嚟鬥去，不過呢度唔討論呢班「美魔女」嘅演技，而係討論佢哋身家大鬥法，最有錢嘅竟然係康華。
Cap嚟見我
唔講唔知，呢「四司」都係選美出身，52歲嘅羅霖係亞姐冠軍，46歲嘅張文慈同樣選過亞姐，46歲嘅康華就係港姐出身，44歲張慧儀就係選華姐入行，所以論樣貌，四個美魔女真係冇得鬥。
不過講身家豐厚，就係康華最有錢。可能大家會諗點解唔係羅霖最有錢？話晒佢都曾經做過少奶奶，但原來羅霖冇物業揸手。相反康華就早著先機，離開咗大台之後就北上發展，密密搵人仔，仲買咗兩個荃灣朗逸峯單位，將佢打通埋，依家呢兩個單位夾埋市值超過$2300萬。
《宮心計2深宮計》演員陣容鼎盛。不過再勁嘅班底都不及呢2位童星犀利。飾演童年版元玥嘅黃雪兒 (Nicole)，以及飾演童年版元瑈嘅陳偲穎 (Bianca) ，第一集要數佢地2個最搶鏡。
劇情講述佢地2個分別係，劉心悠 (元玥) 同埋周秀娜 (元瑈) 所飾演角色嘅童年版。故事交代點解呢2姊妹會分離。Nicole同Bianca嘅表現令大家留下深刻印象。
套劇講到Bianca所飾演嘅家姊元瑈為代替Nicole所飾演嘅妹妹元玥，而食咗妹妹嘅肉包。
原本唔知道發生乜事嘅係門前聽到家姊要走，就攔住家姊喊得好淒涼。
佢仲要問家姊去幾耐，1年？2年夠唔夠？呢下嘅真情流露，完全演活咗得幾歲嘅小朋友，好天真咁問幾時會再見到家姊。
網友大讚佢地2個好有感染力，好入戲。
Nicole嘅表現好真實。
最可愛嘅位係妹妹未知家姊會被人送走，同太陽伯伯訴苦，話自己要幾多日唔理家姊嘅位。
佢一句：
原來好人係肚餓嘅時候都會變成壞人。令人感受到佢嘅天真可愛。就係佢地完美演繹呢場離別戲，令大家留下深刻印象。
不過其實佢地都唔係第一次拍劇，Nicole曾經係《幕後玩家》中飾演黃宗澤同龔嘉欣嘅女兒，而Bianca就係《愛‧回家之開心速遞》飾演過童年版熊尚善 (滕麗明角色)。
肥仔黎都好期待之後佢地嘅表現！
