【真係一擊即中】有線黃曉盈拋寶牒 掟中一男子
今日大年初一，唔少市民一早就去到大埔林村許願樹拋寶牒，今年加 價，亦係五年來首次，由廿蚊加到廿五蚊。不過大家除咗記得今年加價之外，亦唔會忘記一
宗「罕見意外」——有線靚靚主播黃曉盈BB，拍tag向後拋寶牒時，誤中市民個頭——真係天降寶牒，一犁昊1！
話說拍攝該片段時，一身紫紅衫嘅黃曉盈BB在鏡頭前一派淡定，笑容滿臉可愛到暈，仲手執寶牒，同觀眾講:「我依家試試可唔可以一擊即中。」跟手就掟出寶牒，但同許願樹有一定距離，前面又有好多人，結果就……其實曉盈BB姿勢都算正確，由下至上拋，點知可能力水唔夠，寶牒飛唔到上樹，反而跌中落樹下一名男子，此時傳出一把男聲:「哎呀 …」眾大笑。情況就好似，當年牛頓在蘋果樹下，紅蘋果從天而降咁。牛頓領悟出地心吸力，被曉盈BB寶牒掟中嘅男子，唔知係咪領悟出一個更大嘅道理:好想俾曉盈BB瘋狂掟中……
曉盈BB都萬分尷尬，但仍保持鎮定，笑笑口對住鏡頭講:「搞到人哋中頭獎添……」好可愛呀!條片已於FB瘋傳，有線亦無限Loop，有網民慘叫:「點解佢唔係扑中我？」至於無綫都有搵記者去林村許願樹拋寶牒，有埋教學作正確示範，結果當然係一擊即中啦 !
有線新聞台截圖
|
