大家又會點做？(網上圖片)
(影片更新) 巴絲們同另一半分手，究竟會點處理同前度慨定情信物？繼續keep住還是掉曬去免得觸景傷情？近日有巴打就因為呢樣嘢感到相當煩惱，佢喺討論區開po話現任女友要佢掉咗同前度影慨結婚相，據呢位巴打講，佢同前度拍拖10年，已經去到談婚論嫁慨階段，連結婚相都影埋，可以最後都系分手收場。
巴打唔想掉同前度影慨結婚相，真系回憶咁簡單？(網上圖片)
聽落好似好sad，不過巴打幾個月前已經發展新戀情，佢仲好坦承咁同現任女友講曬先自己同前度慨過去，包括影咗結婚相。呢個時候問題就出現了，巴打現任女友近日就要求佢去掉咗同前度影慨結婚相簿，將舊情正式畫上句號。雖然巴打話好愛現任女友，仲話前度已經冇留戀，不過佢話本結婚相簿系佢回憶一部分而唔想掉喎。巴打其實可以選擇靜雞雞將本結婚相簿「安置」，不過佢唔想呃女友話自己掉咗，於是咪詢求各位網民意見囉！
網友有唔同意見。(網上圖片)
由於巴打只系同現任女友拍拖幾個月，所以有網友就建議佢暪住現任女友偷偷收埋本結婚相簿先，不過大部分網友都覺得佢根本未忘舊情，認為佢應遂珍惜現任女友，斬繼舊情情絲，將本結婚相簿「消滅」。咁巴打最後決定系咩？佢就選擇掉咗本相簿，仲搵埋現任女友一齊見證呢個時刻添。如果換轉系咁多位巴絲，你哋又會點做？
最後呢位巴打是咁做的。(網上圖片)
