前排我生日party,約左成班fd出黎慶祝,
諗住佢地未見過我男朋友,
想趁機會介紹埋俾佢地識,
點知成個party氣氛都勁怪,
佢地好似審犯咁樣問我男朋友d職業,背景個d,
有d仲好似嫌我男朋友失禮佢地咁,
個個都好似唔想坐我男朋友隔離,隔成幾丈遠,
甚至連同我最熟個best fd趁我男朋友去左廁所,
細細聲係我耳邊講話:
"其實你唔好怪我咁講,點解你呢次taste差左咁多,
以前你d男朋友都唔係咁,點解呢個成個毒撚咁嘅樣,
個頭又勁油,勁笠,好似好耐無洗過頭咁,
仲要唔係好出聲,唔識同人social..."
我聽到真心嬲,係咪個個都咁睇外在?
我鍾意我男朋友內心,而唔係外表,
仲有就算唔似以前個d男朋友咁又點?!一定要揀埋同一類型架咩?!
佢今次仲要為左我特登gel行個頭先出黎...
佢地竟然咁講野...我真係好唔開心...
但講真...我男友佢真係幾毒下
来源：ladies.discuss.com.hk
