現年31歲嘅「長腳蟹」呂慧儀（Koni）終得償所願，成功懷孕，上圍更由34C激升cup至35E，日前Koni老公黃文迪喺微博貼文，並借用屋企兩隻愛貓搞笑設計對白洩喜訊，然而Koni怕BB未夠三個月會「小器」，佢隻喺電話表示：「身材好咗囉﹗」
直至今午，Koni終於喺微博直認有喜懷有「小蟹子」，佢同老公升呢做蟹爸蟹媽，Koni難掩喜悅情，佢話：「雖然看起來有點緊張，還看得出來我們兩個很期待蟹籽沙律的來臨是吧！今天終於能告訴大家，蟹蟹和蟹先生的生日願望都實現了！感謝大家的關心和祝福，我們都升職做蟹小B的爸爸媽媽了！」而唔少圈中人都留言恭祝佢哋，高海寧留言謂：「恭喜蟹蟹，生個肥肥白白的蟹子沙律！」
