避免問題多多
「你今晚去邊？」「陣間有咩做？」…如果未到好熟程度卻又一日到黑whatsapp問哩問路，其實確係有點兒煩，而家要落口供還是查家宅？相信唔洗幾耐對方已經開始生厭而慢慢地變成已讀不回。
不要句句錄音
錄音無錯的而且確係方便又快捷，慳番好多打字功夫，不過對於收訊息嘅人黎講，並唔係每個時侯都可以聽錄音，一旦要追po可謂更花時間。既然大家一來一回錄音，倒不如煲電話粥。
忌同時兩個話題
可能你會怕冇話題而dead air，之不過又無須要因此而同一時間開多過一個topic嘅，對方未應得切時你又講第二樣野，然後轉個頭又回應番前一個話題，成個對話變得非常混亂。
莫做Message轟炸機
跟心儀對象傳訊息，雙方都做到秒回固之然好，雖則你會心癢癢希望對方可以快手回應，不過幾囉囉孿都好，千祈唔好不斷message轟炸對方，反而會令對方以為你急色而嚇怕。
不要過量emoji
Emoji可以幫助補充文字未必帶到嘅作用，例如表情、語氣，令對話更加貼切生動，不過千祈唔好句句只倚靠emoji去表達，一來比對方感覺你冇興趣再傾落去，二來為免有意思上誤會，文字加以emoji先係至good！
停止LOL
LOL長寫為Laugh Out Loud，跟哈哈有同樣意思，不過對女仔來講，很多時候「被LOL」會有種話題終結嘅感覺，如果對方係心儀對象，就請你停止LOL吧。
