夜校阿伯溝o靚妹實錄
夜校本來係俾人持續進修的地方，
但係有D渣男以為可以呃到青春少女,就會去讀一,兩個月,得手就退學,
衣D其實係好容易分,因為佢地年紀特大,無心向學,只與年輕女同學搭訕,
可以話,同電話騙案一樣容易悉破,但就係會有人用,
當年有個阿伯(我覺得似50歲,同學A君話似4X歲)入學,
係都要坐女同學中間,有條自覺係世界女的Wet妹S君叫人調位都要讓坐俾佢,
本來唔關我事,但佢地居然坐我後面,一路上堂仲嘈生曬,真係多得佢唔少!
我都照忍,反正知佢好快退學,但放學時就黎料啦!
放學時Wet妹S君叫住我,話阿伯同學以前未讀過果科,
仲話筆記我最齊,叫阿伯同學問我借黎影印,阿伯就好開心咁問我攞電話,
阿Sir果時仲未走,立即話:唔需要,我下堂印俾你!
明眼人都知發生乜事,我就話:咁得啦,等阿Sir印吧~
阿伯唔死心,係咁話等唔切下堂,一定要問我借,仲問:你唔信我咩?
而我就話:我第一日見你咋喎!點解要信你?你唔還我咪大獲?
Wet妹S君立即話:你咪當借俾我囉!我保證佢會還俾你,好唔好?
我就話:S君你上年借我本書都無還啦(應該係俾佢賣左),你都信唔過!
其他同學:係呀,唔好借,正常都等下堂阿Sir派啦~
之後E個阿伯就無再向我埋手,而係向我身邊的朋友埋手然後再失手,
據其他同學所講,佢用唔同藉口問曬所有女同學攞電話,男同學都唔頂佢唔順,
D正經的女同學好多都驚左佢,佢就去第二班重施故技,直到兩個月後消失,
我唔知佢係知難而退定得手退學,
總知衣單野變左我地果級既笑話同集體回憶~
