【靠晒你喇】ABT升級 R8 V10衝破600匹

Photos: ABT Sportline「Turbo車玩家要追求更大馬力數字，難度相對自動吸氣車玩家低。」認唔認同，睇你點睇啦。 Audi今代R8 V10自2015年8月發表以來，原來已經兩年喇，呢兩年超級界風起雲湧，尤其啲引擎馬力數字，話咁快「六字頭」已經係濕碎嘢。對配V10自然吸氣嘅R8嚟講，或多或少有啲壓力，當然啦，如果fans明白「N.A.引擎車唔係淨睇馬力數字嘅」，咁明白事理就最好啦。



ABT最近發表升級套裝，R8 V10可以由540匹升至610匹，而R8 V10 plus版，則由610匹增至630匹。以R8 V10嘅package為例，連工包料零件約7500歐元，即係約7萬港元。 另外，仲有一系列車身包圍，不過，恕小弟直言，套尾泵把真係麻麻哋，我都係鍾意原裝design，改副偈夠晒啦！畀在我，連ABT個logo都懶得黐，落到track，快過你就係快，你理得我有冇upgrade副偈。