【話咁快復活】Honda Monkey 125東京車展發表

Photos: Internet/Binbach Photography今年四月，本田（Honda）宣布於今年八月底停產有50年歷史嘅Monkey電單車系，理由係Monkey所配嘅50c.c.引擎 ，已無改良空間去符合最新嘅環保法例。換言之，大家幾like都好，Monkey仔都要「落車」。消息傳出之後，已經有報道指Monkey呢個招牌唔會就咁告別車迷。因為喺2016年嘅泰國曼谷車展，本田發表咗配125c.c.引擎嘅Monkey Concept，而喺近月，一直有消息指，呢款大Monkey將會巿販，而且作全球發售。話咁快，本田日前宣布10月底東京車展展品陣營時，終於見到「Monkey 125」一名。據悉，Monkey 125將衍生自Grom 125，例如都係配124c.c.氣冷四衝程單汽缸引擎，最大馬力9.8匹/7000rpm，峰值扭力1.1kgm/5250rpm。有日本傳媒估計Monkey 125日後在日售價約為40萬日圓。Monkey變大，有好有唔好，變大咗，就唔係Monkey仔啦；但揸住部50c.c.，我又唔係好敢揸住周圍去。希望Honda繼續搞好Monkey呢個招牌啦。