為求買樓 逼女友同自己餐餐食一個飯 Andy用10年時間買入將軍澳單位
「我知道為咗自己嘅上車夢，我唔可以太大洗。」80後慳家男Andy用激平電話、與女友兩人食一個飯兼絕少旅行，由加拿大開始儲錢儲到香港，儲足10年，終於一圓上車夢，今年在將軍澳藍塘傲買入一個單位，總值逾500萬港元。
為求人生突破，Andy在3年前回流香港。他形容，比起加拿大，在香港更易賺得人生第一桶金10萬。不過，讀書時修讀的是心理學，對工作幫助不大，於是他毅然投身金融業，於一所證券行從事財富管理，協助客人買賣債券，幸求學時期曾修讀經濟，所以買賣股票、債券均逐漸得心應手。不過，香港工作忙碌，工時動輒以10小時起，Andy無暇再經營副業，為了上車，唯一手段便是慳錢。
Andy現時1個月更可儲6成糧6000元，他亦坦承，成功上車全憑夠慳。說罷，他展示了手中電話，說「我用嘅只係平平無奇嘅小米電話，都係1,000蚊多少少。」他解釋，以前曾賣二手電話，經驗告訴他科技不斷推陳出新，永遠難追上潮流。
因為在中環工作，食飯交通均所費不菲，所以Andy午餐時大都光顧連鎖快餐店，一餐僅40元，可謂「慳得就慳」。此外，Andy近3年以來甚少旅行，大部分東南亞國家未曾到過，僅曾飛上海及日本，更指「我係平價機票先捨得去」。
慳家男Andy使費「諗過度過」，他表示，與女友兩人外出吃飯時，會單嗌一個飯「加底」共享；就算女友不夠飽都無得選擇，而且兩口子甚少到戲院，寧可回家上網睇舊電影欣賞，務求將洗費壓至最低，兩人更到銀行開聯名戶口齊齊儲錢。
奇招盡出兼儲足10年，Andy今年10月終達成夢想，在將軍澳藍塘傲購入1個400多呎單位，總值逾500萬元，加上家人幫助440多萬元，與女友兩人每月合供1.2萬元。他表示，自小受雙親影響，認為買樓保值兼抗通脹，而與女友合供1.2萬元未算吃力。
最後，他寄語年輕人，應慳得就慳，不要做月光族，平日須抵受物質誘惑，勿追求新鮮及潮流，而最重要的是對自己守承諾，說儲多少便儲多少，更以自己在加拿大的經歷為例，用不同渠道掘金。「我知道搵得一萬幾千，儲錢會辛苦，但最重要係懂得找家人及女友幫助。」
