



劈頭第一句話:「香港以前都有㗎」,絕對唔係吹水,好多齣60年代末至70年代中嘅港產彩色電影,都見到佢。其中一套係何守信飾演科學家嘅《水為財》。喺著名電視遊戲《GTA》系列,都有Meyers Manx Dune Buggy。














Meyers Manx品牌來自美國加州品牌,以縮短嘅Beetle底盤製作開篷沙灘車,可以配1.2、1.3、1.5或1.6公升嘅水平對向四汽缸氣冷引擎。咁點解Meyers Manx Dune Buggy喺70年代之後,陸續喺香港消失?有說係Meyers Manx Dune Buggy採用玻璃纖維車身,撞爛咗好難整(以當年汽車維修技術),再加上冇冷氣,香港多雨又熱,好快就被本地玩家「遺棄」。













