【睇片】Mercedes-AMG A35下月開售 301hp四驅狂轟

平治Mercedes-AMG正式發佈A35 4MATIC這部入門AMG車款。性能規格有齊，新2.0公升四缸turbocharged引擎，301hp馬力，400Nm扭力，配七前速dual-clutch波箱，AWD，0-100km/h需時4.7秒，極速250km/h。再看看那車頭包圍、尾翼、18吋合金輪圈，再聽聽那咆吼聲，俾你揀，你揀佢定S3？新車會裝上鋁金屬部件的AMG Ride Control懸掛，亦有來自A45的AMG規格部件如前steering knuckle，亦可選配有三個模式的Adaptive Damping System。性能強，制動能力都要加強，前四活塞煞車卡鉗配13.7吋碟，後單活塞卡鉗配13吋碟。而且還有AMG排氣系統，AMG Dynamic Select System還有特別Slippery模式。而駕駛席則有平底軚環，車廂充滿碳纖部件以及紅色繡線，內外都不會令AMG車迷失望。新車將會於下月初的巴黎車展亮相，而且下月尾會正式在歐洲發售。